პოლონეთმა საპროტესტო აქციების მონაწილეების მიმართ ძალადობაზე პასუხისმგებელი ძალოვანი უწყების 8 მაღალჩინოსანს სავიზო სანქციები დაუწესა და ქვეყანაში შესვლა აუკრძალა. ინფორმაციას საელჩო ავრცელებს. დასანქცირებულების ვინაობა უცნობია.
“საქართველოში ოპოზიციის წინააღმდეგ გაძლიერებული რეპრესიების საპასუხოდ, პოლონეთმა საკუთარ ტერიტორიაზე შესვლა აუკრძალა ქართული ძალოვანი უწყებების 8 მაღალჩინოსანს, რომლებიც პასუხისმგებლები არიან დემონსტრანტების წინააღმდეგ ძალადობაზე.
პოლონეთი მხარს დაუჭერს ქართველი ხალხის პროევროპულ მისწრაფებებს” აცხადებს საელჩო.
კომენტარები