“პროგრესი სახეზეა” – ვისი დეპეშის რემეიქია წულუკიანის განცხადება?

პოლიტოლოგი, გია ხუხაშვილი, სოციალურ ქსელში, წერს:

“ქალბატონი თეა უბრალოდ ასრულებს პოლიტბიუროს გადაწყვეტილებას “ანტი-ოცნებისტური ელემენტების” გამოვლენის და დასჯის შესახებ.

ამ დადგენილებით, მტრული ელემენტები ორ ნაწილად უნდა დაიყოს – “განსაკუთრებით მტრული” და “ნაკლებად აქტიური, მაგრამ მტრული”.

ზუსტად ამის დასადგენად არის საჭირო იმის გარკვევა, თუ “საიდან მოდის” განსხვავებული აზრი.

ეს არის 1937 წლის 3 ივლისის სტალინის დეპეშის რემეიქი, პოლიტბიუროს შესაბამისი გადაწყვეტილების აღსასრულებლად.

მაშინ პირველ კატეგორიას ხვრეტდნენ, მეორე დეპორტაციას ექვემდებარებოდა.

ახლა ალბათ პირველი კატეგორია “ჩადებას”, მეორე კი გათავისუფლებას იმსახურებს.

პროგრესი სახეზეა.”