რა შეზღუდვებით ჩატარდება წირვა სვეტიცხოველში?

საქართველოს საპატრიარქო სვეტიცხოვლობის დღესასწაულთან დაკავშირებით ინფორმაციას ავრცელებს.

„ა.წ. 14 ოქტომბერს სვეტიცხოვლობის დღესასწაულზე ტაძართან მისასვლელად მანქანის საშვები არ იქნება საჭირო.

13 ოქტომბერს ლოცვა დაიწყება 17:00- საათზე, 14 ოქტომბერს კი წირვა -10:00 საათზე.

ვირუსთან დაკავშირებით ხალხის უსაფრთხოების მიზნით ტაძრის ეზოში შემომსვლელთ გაეზომებათ ტემპერატურა.

აუცილებელია ყველას ჰქონდეს პირბადე და დაცული იყოს დისტანცია“, – აღნიშნულია საპატრიარქოს მიერ გავრცელებულ ინფორმაციაში.

შეგახსენებთ, ხვალ, 14 ოქტომბერს საქართველოს მართლმადიდებელი ეკლესია სვეტიცხოვლობის დღესასწაულს აღნიშნავს.