,, რამდენ ხანს არ შეიკრიბებით? ან შემდეგზე შუქი ჩააქრეთ, სახანძრო განგაში ჩართეთ” – თამარ ჩუგოშვილი

ყოფილი ვიცე-სპიკერი, თამარ ჩუგოშვილი სოციალურ ქსელში წერს:

,,წარმოუდგენელია ის, რაც პარლამენტში ხდება. კონსტიტუცია აძლევს უფლებას 50 დეპუტატს შექმნას საგამოძიებო კომისია და ამ უფლების რეალიზაციისთვის ხელის შეშლა დაუშვებელია! სამართლებრივ სახელმწიფოში კონსტიტუცია უნდა სრულდებოდეს.

პარლამენტი აღარ აპირებს თავისი კონსტიტუციურ მოვალეობების შესრულებას? დაიშალეთ მაშინ. რამდენ ხანს არ შეიკრიბებით? ან შემდეგზე შუქი ჩააქრეთ, სახანძრო განგაში ჩართეთ, რა ვიცი, მილიონი რამის მოფიქრება შეიძლება.

თვითონ უნდა ქმნიდეთ ამ კომისიას და იძიებდეთ რა კორუფციული ფაქტებია სასამართლო სისტემაში, არათუ სხვას უშლიდეთ ხელს ამის გაკეთებაში.”