როგორც ჩანს არ იცის, რომ გახარია რუსული სპეცსამსახურების ლეიტენანტია – შალვა ნათელაშვილი

“ლეიბორისტული” პარტიის ლიდერი, შალვა ნათელაშვილი, ბორის ჯონსონის განცხადებას ეხმაურება სოციალურ ქსელში:

“როგორც სჩანს ოსმალეთის იმპერიის შინაგან საქმეთა მინისტრის პირდაპირ შთამომავალს და დღევანდელი დიდი ბრიტანეთის პრემიერ–მინისტრს ელემენტარული ინფორმაცია არ გააჩნია იმის თაობაზე, რომ ივანიშვილი პუტინის სტაფერია საქართველოში, ხოლო გახარია რუსული სპეცსამსახურების ლეიტენანტი.

ვწუხვართ.”

“ალია” შეგახსენებთ, გაერთიანებული სამეფოს პრემიერ-მინისტრი ბორის ჯონსონი გიორგი გახარიას საქართველოს პრემიერ-მინისტრის თანამდებობაზე ხელახლა დანიშვნას ულოცავს და ამბობს:

“ქედს ვიხრი თქვენი და თქვენი მთავრობის შეუპოვრობის წინაშე, რომელსაც თქვენ იჩენთ რუსეთის ზეწოლისთვის წინააღმდეგობის გაწევაში.”