სპეციალურ პენიტენციურ სამსახურის ინფორმაციით, მათ რიგებს გერმანული ნაგაზი სახელად პრადა შეუერთდა და ის აკრძალული ნივთების/ნივთიერებების მოხვედრის პრევენციაზე და სამართალდარღვევის აღკვეთაზე მუშაობს, კერძოდ კი ამანათებს ამოწმებს. რატომ დადგა სწორედ დღეს დღის წესრიგში ამანათების შემოწმების ეს უძველესი მეთოდი, სამსახური ამაზე არ საუბრობს.უწყების ცნობით, უახლოეს მომავალში სამსახური მოამზადებს შესაბამისი ჯიშის ძაღლების დამატებით რაოდენობას და ისინი ჩაერთვებიან ყოველდღიურ საქმიანობაში.
ასევე, სამსახური წერს, რომ ძაღლების მოვლა–პატრონობასა და გაწვრთნაზე პასუხისმგებლობას სახელმწიფო იღებს, ცხადია, საქართველოს ბიუჯეტის გამოყენებით და აქვე, სამსახური იმასაც გვპირდება, რომ ძაღლებს ეფექტურად და რაციონალურად გამოიყენებენ.
კომენტარები